General Santos City–Nahagbong sa regular filing ang pagpasang-at ug kaso sa walo ka mga indibidwal nga una nang nadakpan sa gipahigayong operasyon batok sa illegal mining sa Sitio Tunnel, Barangay Kematu, Tboli, South Cotabato.
Subay sa pahayag ni Police Captain Bernie Faldas, hepe sa Tboli PNP ang mga posibleng kasula giilang silang si Rolly Villafuerte Angay, 19; Jovar Pokot Calim, 27; Benjo Pokot Calim, 19; Toto Benito, 30, Arriel Sama Layag, 31; Jomel Sana Layag, 31; Ike Galo Bawela, 52; Ugawek Melode Calibay, 41 anyos.
Nasayran nga nakuha sa posisyon sa mga nasampit ang mga gamit sa illegal nga pagmina sa lugar ug 11 sako sa mineral ore.
Dugang pagbutyag ni Police Captain Faldas nga gihimo nila ang operasyon uban sa PEMO ug MENRO Tboli human nga nag request matud pa si South Cotabato Governor Reynaldo Tamayo nga sutaon ang kabukiran gumikan na usab sa insidente land slide sa lugar gumikan niining illegal mining.
Natlan nga naghimo niini ang maong grupo mao nga sila gidakop ug gikustudiya sa awtoridad.
Hinuon gibuhian man dayon ang mga nasampit apan sila kasuhan gihapon pinaagi sa regular filing.
Gipklaro usab ni Faldas nga adunay gipakitang dukumento ang ilang mga dinakpan, apan sumala pa apil ang lugar nga ilang giminahan sa mga lugar nga gipakanaugan ug stoppage order.
Gidili ang pagmina sa lugar gumikan pelegroso kini sa landslide o pagdahili sa yuta hilabi na kung mubundak ang makusog nga pag-ulan.
Sa karon ang kaso sa walo ang gitugyan nalang sa Tboli PNP ngadto sa PEMO.
