Davao City – Dili na ipadayon ang kaso sa pamilya sa call center agent nga naligsan patay, samtang nitabok ang biktima sa Highway sa Ulas, Talomo District, Davao City niadtong alas 9:00 sa gabii December 7, 2023.
Sa report gikan sa Talomo Police Station, nasayran nga naareglo na niadtong Sabado Disyembre 9, 2023 sa duha ka partido ang pamilya sa call center agent ug ang pamilya sa bus driver giila nga si Ronnie Pagatpatan.
Sumala pa sa Traffic Investigator sa Talomo Police Station nga si PCPL Larry Bernado wala na-file sa korte ang kasong reckless imprudence resulting to homicide batok sa driver tungod nasabutan nga abagahon na sa kompanya sa bus, ang galastuhon alang sa paghiluna sa biktima.
Kahinumduman, mokaso unta ang pamilya sa call center agent kun dili makabayad, apan mipasalig ang driver ug ang kompanya sa bus nga abagahon ang gasto niini.
RadyoMaN Don Pulayao
Facebook Comments
