Kaso sa COVID-19 sa Cagayan de Oro, nadugangan og usa

Nadugangan na usab sa usa ka kaso sa Coronavirus Disease o COVID-19 ang Cagayan de Oro City.

Kini ang gikumpirma ni City Health Office Epidemiologist Dr. Joselito Retuya sa press briefing sa City Hall.

Matud ni Dr. Retuya nga ang pasyente usa ka Locally Stranded Individual gikan sa Cebu nga niuli sa Cagayan de Oro sakay sa barko niadtong June 14.


Kini usa ka 22 anyos nga lalaki nga taga Barangay Bulua ning syudad.

Sa karon, naana sa 28 ang kumpirmadong kaso sa COVID-19 sa Cagayan de Oro kung asa 12 niini ang aktibong kaso, 6 ang namatay ug 10 na ang nakarecover.

Facebook Comments