Davao City – Nisaka ngadto sa 138 ang kaso sa COVID-19 sa Davao City.
Gikan 162 admission niadtong Martes anaa sa 169 ang admission as of May 6,2020 sa mga COVID-19 cases sa syudad.
Sa Southern Philippines Medical Center 123 ang na-admit samtang sa Center A 13, Center B 4 ug Center D 29.
Matud ni Davao City Mayor Sara Duterte nga sa 162 nga admitted, 50 niini karon ang COVID-19 ang confirmed cases.
“Okay na siya nga increasing siya, it means nakit-an na nato. Natingala ta kaniadto kay isa, duha, isa, duha. Karon nakit-an na nato kung asa tong mga dunay sakit ug mga nag-positive. Usually kadaghanan ani sa ilaha natakdan sa ilahang kauban sa balay, kumbaga one household tulo o upat kabuok ang natakdan sa COVID-19,”
Sumala sa mayor nga adunay 14 ka mga COVID-19 facilities ang syudad.
Samtang, anaa sa 67 na ang nakarekober sa COVID-19 ug 21 ang sumada sa ihap sa mga namatay.
Sa pikas bahin, 3 na ka mga crematoriums ang operational dinhi sa syudad.
57 na ka mga cadavers ang napa-cremate sa lokal nga panggamhanan subay sa rekomendasyon sa mga doktor.
RadyoMaN Aimee Guinita