Kaso sa COVID-19 sa probinsya sa Zamboanga Del Sur, 89 nalang

27

Zamboanga del Sur – Naa nalang karon sa 89 ang kinatibuk-ang kaso sa mga pasyente nga nataptan sa COVID-19 ning Probinsya sa Zamboanga del Sur human may 4 lamang ang natala nga dugang Kaso kagahapong adlawa.
Sa nigula nga datus sigon sa Integrated Provincial Health Office kun IPHO dunay nakarekober kagahapong adlawa nga 17 samtang 1 usab ang natala nga patay.
Base ra gihapon sa maong datus nag-una karon sa may midyo taas nga numero sa kaso sa COVID-19 ang syudad sa Pagadian nga may 21 , Labangan ug Margosatubig may tag 7, Aurora ug San Miguel may tag 4.
Ang mga lungsod sa Ramon Magsaysay, Mahayag, Dumingag, Midsalip, Dumalinao, Lakewood, Kumalarang ug lungsod sa Lapuyan tag 3 nalang ang mga aktibong kaso sa maong virus.
Tag 2 nalang usab ang mga kaso sa COVID-19 sa mga lungsod sa Tukuran, Dinas ug lungsod sa Tabina. Swerte usab nga tag 1 nalang ang mga pasyente nga nataptan sa COVID-19 sa mga lungsod sa Molave, Tigbao, ug San Pablo.
Ang gikan sa laing probinsya nga naa karon nagpaalim sa mga ospital ug mga isolation unit sa Zamboanga del Sur may 13 ka pasyente.
Padayon karon ang pag-awhag sa mga experto sa natad sa panglawas nga musupurta ang mga katawhan sa mga pamaagi nga gipagula sa Inter-Agency Task Force kun IATF aron makalikay sa mananakod nga COVID-19.

Facebook Comments