Zamboanga del Sur – Nius-us na sa 1,713 ang kinatibuk-ang kaso sa mga pasyente nga nataptan sa COVID-19 ning probinsya sa Zamboanga del Sur kini ang base sa gipagula nga datus sa Integrated Provincial Health Office kon IPHO.
Gikan sa ihap sa mga nataptan sa COVID-19 atung Merkules nga may 1,951 mius-us kini sa 238 human nitala nalang kagahapong adlawa og 1,713 ang aktibong kaso sa Covid-19.
Mikunhod sa 116 ang aktibong kaso sa COVID-19 sa dakbayan sa Pagadian kung diin atung Mirkules dunay 828 ka mga pasyente nga nataptan sa mao nga virus apan kagahapon duna nalay 712 ang aktibong kaso.
Sa mao ra gihapon nga datus sigon sa IPHO dunay nakalingkawas kagahapon nga 327 ug 91 ang nadugang sa nataptan sa COVID-19 samtang 6 usab ang natala nga patay.
Base ra gihapon sa maong datus nga gipagula nag-una gihapon sa dunay pinakadaghang kaso sa COVID 19 ang syudad sa Pagadian nga may 712 gisundan sa Labangan nga may 111, Molave dunay 87, ug ang Dinas may 75 ka pasyente nga nataptan sa COVID-19.
