DAKO ang pagkunhod sa kaso sa natakbuyan sa sakit nga dengue ning syudad sa tuig 2017 kompara sa 2016.
Kini base sa taho sa City Health Office bag-ohay lang.
Base sa datus, gikan sa 2,387 sa tuig 2016 mikunhod kini sa 984 sa tuig 2017.
Pinakataas nga natala sa bulan sa Hulyo nga adunay 254, Agosto nga mitala og 655, Septiyembre nga adunay 598, Oktubre 409, Nobyembre 292 ug Disyembre 179 alang sa tuig 2016.
Samtang mitala lamang og 246 sa Hulyo, 278 sa Agosto, 150 sa Septiyembre, 131 sa Oktubre, 103 sa Nobyembre ug 76 sa Disyembre sa tuig 2017.
Kini nga mga bulan masinati ang kanunay nga pag-ulan ug pagbaha ning syudad.
Ang pagkunhod natala tungod sa gipahugtang kampanya ug adbokasiya batok dengue sa administrasyon ni Mayor Oscar Moreno pinaagi sa City Health Office sa pagpangulo ni Dr. Fe Bongcas.
Lakip niini ang paghimo sa family Health Advocacy Home Partners Class (FHAHP) isip multiplier effect sa pagpaabot sa kampanya batok dengue ngadto na sa panimalay.
Source: CIO
