Matud ni Melodina Babante, City Health Office (CHO) Tropical Disease Prevention and Control Division Coordinator, nisaka og 65.4% ang kaso sa dengue kung itandi sa rekord niadtong 2022 nga 3, 758 ka mga kumpirmadong kaso.
Nisaka usab ang dengue mortality rate sa syusad gikan 21 ka mga namatay niadtong 2022, 51 ang patay sa 2023.
Padayong nanawagan ang CHO sa katawhan nga tumanon ang 5S strategy: Search and destroy possible breeding sites kun susihon, pangitaon ug gub-on ang mga posibleng kapuy-an sa lamok sama sa botelya, ligid, paso, lata, basurahan, drums ug uban pang mga butang nga mapondohan og tubig, Seek early consultation— Sayo magpakonsulta sa pinakaduol nga health centers o ospital kung adunay ginabati nga sintomas sama sa kalintura sulod sa 3 ka adlaw, rashes o sakit sa ulo, Secure self-protection— segurohon ang pagprotekta sa pamilya ug kaugalingon pinaagi sa paggamit og insect repellant ug mosketero, Support Indoor and Outdoor Spraying in high risk areas only— atong suportahan ang ginahimong pamaagi sa gobyerno sama sa fogging ug spraying kung ang usa ka lugar adunay taas nga kaso aron makalikay sa sakit nga dala sa lamok.
Ug sustain hydration— kanunayon ang pag-inom og oral rehydrating salts (ORS) ug tubig kung kita adunay ginabati ug sintomas sa sakit nga dengue.
RadyoMaN Aimee Guinita
