South Cotabato—Mikonhod na ang ihap sa kaso sa dengue sa syudad sa Koronadal.
Kini base na usab sa gihimong monitoring sa City Health office sa maong syudad.
Nasayran nga sa nakalabayng simana, kapin sa 40 kaso na lamang sa dengue ang natala dikan sa 80 ngadto na sa 90 ka kaso naidtong nakalabayng bulan.
Wala na matud pa nadungagan pa ang mga namatay sa dengue sa Koronadal.
Dagdag pa nga dakong tabang sa pagkunhod sa kaso sa dengue ang mga gipahigayong fogging ug misting operation ingon man ang kooperasyon sa publiko sa pagpanghinlo sa palibot.
Gibutyag pa sa opisyal nga gika-alarma sab sa mga residente ang hilabihang pag-taas sa kaso sa dengue hinungdan nga mitabang na usab ang mga nasampit sa pagpanghinlo sa ilang palibot aron nga dili kapuy-an ug lamok.
