Davao City – Subling nag-awhag ang Tagum City Health Office sa Tagumenyos nga magtinabangay sa pagpakaylap sa preventive measures aron mapanalipdan ang syudad gikan sa sakit nga dengue.
Kini human nga natala karon ang pagsaka sa kaso niini nga as of March 10-23, 2024, adunay nadugang nga 48 cases diin pinakataas nga bag-ong kaso naggikan sa Brgy. Visayan Village nga miabot og 11. Misunod ang Brgy. San Miguel sa ihap nga 9 ug Brgy. Magugpo West nga adunay 6.
Sa pagkakaron, anaa sa 356 ang kinatibuk-ang ihap sa dengue cases diin kahinumduman nga kabsan sa kinabuhi ang 6 anyos nga bata tungod sa maong balatian.
Kanunay ang katawhan giawhag nga sundon ang 5s strategy o ang search and destroy mosquito breeding sites, self-protection o paggamit og insect repellents, seek early consultation sa pinakaduol nga health care facility, support fogging, spraying, and misting sa hot spot areas ug sustain hydration.
RadyoMaN Ivy Parido
Facebook Comments
