Kaso sa droga sa Polomolok mikunhod, samtang opisyal sa Polomolok PNP dunay awhag sa ilang mga target suspek sa operasyon

29

Polomolok, South Cotabato–Gikabutyag ni Police Captain Rommel Hitalia, Deputy Station Commander sa Polomolok MPS nga sa pagkakarun mikunhod gayud ang kaso sa droga munisipyo sa polomolok kini na gumikan usab sa gisagubang karon nga pandemya sa covid 19 kung asa milaylo usa ang mga indibidwal nga nalambigit sa illegal nga droga.

Asoy pa sa opisyal nga bisan pa man nga padayon ang ilahang operasyon batok illegal nga droga dili pa gihapon kini mawala kundili mikunhod lang hinungdan nga walay undang ang ilang pagpahigayon ug operasyon sa droga sa ilang AOR.


Samtang nanawagan usab si Captain Hitalia sa katawhan sa Polomolok nga si kinsa man tong tawo nga lambigit pa sa droga mas maayo nga undangon na nila ug mosurender na sa gobyerno gumikan dunay gitagana kanila nga maayong programa ug aron usab mahinloan ang ilang mga pangalan.

Gi-awhag usab ni Hitalia ang mga target suspek sa operasyon sa kapulisan nga likayan gayud ang pagsukol sa otorida aron dili makabsan sa kinabuhi tungod kay bag-o pa himoon ang operasyon dunay konkretong mga plano nga himoon ang kapulisan unsaon pag atake sa ilang target suspek nga maoy hinungdan nga sagad daghan ang mamatay sa ilang operasyon.(RV)

Facebook Comments