Davao City – Nagpaabot pa sa mga tagtungod sa biktima sa bangga ang
kapulisan sa Talomo aron pormal nga ipasaka ang kaso batok sa PUJ driver
nga si Gremer Autida, 40 anyos nagpuyo sa Mintal Relocation Barangay Sto.
Niño Tugbok Davao City.
Si Autida maoy driver sa PUJ nga nawad an og preno sa dihang padulong kini
sa Barangay Magtuod Davao City alas 12:00 sa kaudtohon ug mibangga sa
kasugat nga pick up nga gimaneho usab ni Mario Rodriguez, 41 anyos
residente sa Buhangin Davao City.
Sumala ni Police Chief Inspector Ronald Lao, hepe sa Talomo PNP, nga wala
pa nila mapasakahi ug kaso ang PUJ driver tungod kay hangtud karon wala pa
usab mupatim-aw ang mga tagtungod sa biktima nga nangaangol aron ipasaka
ang kaso didto sa korte.
Matud ni Lao nga masabtan usab ang sitwasyon sa mga tagtungod kay karong
panahona mas giuna nila ang medikasyon sa ilang mga kabanay nga apil sa
disgrasya.
Gidugang usab ni Lao nga nagpabilin pa usab sa balay tambalanan ang ang PUJ
driver nga apil sa naangol ug padayong gibantayan sa mga pulis nga sakop sa
Talomo PNP.
Ang posibleng kaso nga atubangon sa PUJ driver mao ang reckless imprudence
resulting to physical injuries and damage to properties.
RadyoMaN Erin Lumosbog
