General Santos City–Sulbad na ang uban, samtang under investigation ang ubang kaso sa pagpamusil sa Gensan. kini ang gibutyag ni Police Col. Aden Lagradante, City Director sa Gensan City Police Office.
Atol sa regular session sa konseho, gi-angkon ni Col. Lagradante nga adunay mga krimen nga nagpabiling hagit sa kapulisan hilabina nga walay mga testigo nga makit-an sa mga responsable sa krimen.
Apan siya nanghinaut nga sa dili madugay, mahatagan ug hustisya ang mga biktima sa krimen. Samtang, gi-angkon ni Col. Lagradante nga kung basehan ang ihap sa pagpamusil sulod sa usa ka semana, medyo maka-alarma, apan tungod managlahi ang motibo, wala matud pay angayang kabalak-an ang publiko.
Sa karon, nagahimo na matud pa sila ug control measure aron nga mabatukan ang susamang mga insidente ug nagpabiling on top ang kapulisan sa mga nagakahitabong krimen.
Dugang pa ni Col. Lagradante nga tungod sa kalapad sa Gensan ug kadaghan sa papulasyon, dili gyud nila mahimo ang man to man nga pagbantay sa seguridad.(LVR)
