*General Santos City— Gika-alarma na ni Gensan City Councilor Jose Edmar Yumang, Chairman sa peace and order sa konseho ang nahitabong sunod-sunod nga pagpamusil sa dakbayn kung asa sulod lang sa usa ka semana anaa na sa lima ka shooting incident.*
*Sumala niya nga takda siyang makig-pulong kang pol. Col. Aden Lagradante uban ang tanang chief of police aron nga masayran kung unsay plano sa kapulisan bahin sa maong kaso.*
*Gikasubo niya ang maong mga insidente ug dili na niya buot masundan pa pagpamusil. Kinahanglan matud pa niya madunggan ang eksplenasyon sa kapulisan nganong nalutsan ang dakbayan nga aduna may mga checkpoint ug police visibility.*
*Dugang pamahayag ni Kag. Yumang nga kung kinahanglang i-reshuffle ang mga chief of police kini himuon aron nga mahulipan ug mga pulis nga adunay mas maayong performance.*
*Apan gipaklaro niya nga sa mga nahitabong pagpamusil ug ubang krimen, ginahimo sa kapulisan ang tanan aron nga kini masulbad.*
*Kung asa iyahang gihagit ang kapulisan nga sulod sa duha ka semana, aduna gyu’y manubag sa balaud kabahin na sa maong mga krimen.*
