*General Santos City— Makonsiderang alarming na ang nagakahitabong patay sa dakbayan. Kini ang gibutyag ni Gensan City Councilor Jeng Gacal human ang sunod-sunod nga mga pagpamusil.*
*Sumala niya nga maka-alarma ang ihap sa mga biktima gumikan sulod lang sa usa ka semana, anaa na sa upat ang biktima sa pagpamusil.*
*Iyaha na matud pang ginatugyan ngadto kang city Councilor Jose Edmar Yumang ang pagpatawag sa kapulisan isip chairman sa komitiba sa peace and order.*
*Dugang pamahayag ni Kagawad Gacal nga kinahanglang ipatawag sa hawanan sa konseho si Police Col. Aden Lagradante, City Director sa Gensan City Police Office aron nga mahatagan ug higayon nga i-explain ang nagakahitabong patay sa syudad.*
*Kinahanglan matud pa masayran sa katawhan kung unsa ang hinungdan sa maong mga krimen sama sa droga, personal nga away ug uban pa.*
*Pagpaklaro niya nga sa paglingkod ni Col. Lagrandate, usa lang ang iyahang hangyo dihang siya pa ang chairman sa peace and order nga kinahanglang mapabiling malinawon ug dakbayan ug nahimo matud pa kni sulod sa pipila ka bulan ayha siya nahulipan sa maong komitiba.*
