General Santos City— Gipasigarbo ni Police Senior Superintendnet Nestor Salcedo, Provincial Director sa South Cotabato Provincial Police Office nga ilahang gikonsidera nga solve ang mga kaso sa pagpamusil sa Koronadal ug Polomolok, South Cotabato.
Sumala niya nga ilaha ng nailhan ang mga suspetsado apan padayon pa nilang gipangita kung asa iyahang gipaniguro nga wala nila ginapasagdan ang mga kaso sa pagpamusil sa probinsya.
Kini gumikan, hugot matud pa ang direktiba kanila ni Police Chief Superintendent Marcelo Morales, regional director sa Police regional Office 12 nga sulbaron gyud ang mga tanang homecide cases.
Dugang pamahayag ni Col. Salcedo nga dili niya makumpirma kung usa ka organisadong grupo ang responsible sa mga pagpamusil sa probinsya, apan iyahang giangkon nga sila miyembro sa usa ka grupo.
Samtang, gipaklaro niya nga sa karon, ilaha pang ginapaabot ang resulta sa mga gihimong ballistic examination sa mga ebidensyang narekober aron masayran kung susamang armas ang gigamit sa mga pagpamusil.
