General Santos City- Mikabat na sa 27 ka kaso sa pagpanglugos ang natala sa Municipal Social Welfare Development Office (MSWDO) sa Polomolok, South Cotabato gikan Enero hangtod Nobyembre niining tuig 2017.
Subay sa taho sa MSWD-Polomolok ang maong mga kaso nasang-at na ngadto sa korte.
Nasayran nga sa tuig 2016 anaa lang sa 19 ang natalang kaso sa pagpanglugos sa lungsod ug mitaas kini ug 8 sa kasamtangan nga tuig.
Sumala sa datos sa MSWD nga nag-edad ug 10 hangtud 14 ang kasagarang nahimong biktima sa maong krimen.
Aminado usab ang MSWD, nga aduna pay mga kaso sa lugos sa lungsod nga wala napatala sa Police Station ug sa ilang buhatan tungod sa pipila ka mga rason, usa na niini ang kaulaw sa pamilya ingon man ang kahadlok nga sumbalikan sa suspetsado. (Juan Gubalani-GSA Intern )
(Photo from Web)
