Malungon, Sarangani Province—Nahagbong sa areglo ang kaso sa us aka pagpanunggab sa us aka mag-uuma sa Malungon Sarangani Province.
Gikumpirma ni Police Lieutenant Colonel Edgar Yago Labaw sa Malungon MPS nga nakagawas na ang suspek sa ilang kustodiya human sa pipila ka adlaw nga napriso nga si Romeo Fernandez, 28 anyos, mag-uuma, kansa responsableng midunggab sa biktimang si Enrico Villanueva, 48 anyos, mag-uuma, nga susamang nanimuyo sa Purok Makugihon, Barangay Kiblat, Malungon Sarangani Province.
Sumala pa sa opisyal nga wala nalang nagpasaka ug kaso ang biktima human kining nagpabayad sa suspek sa galastuson sa ospital. Nasayran nga gi-areglo nalang sa biktima ug sa suspek ang ilang problema pinaage na usab sa pagbayad sa mga balayronon sa ospital. Saysay pa sa opisyal nga pinaage sa tabang sa witness nailhan ang suspek nga midunggab sa biktima ug wala man usab nagduha-duha nga mi-angkon sa dihang gidakop kini sa kapulisan.
Kahibaluan nga alas 6:30 sa gabie niadtong adlaw’ng Sabado dunay natigayon nga pananaglalis tali sa duha nga misangko sa wala pagkasinabtanay nga miresulta sa pagdunggab.(RV)
