General Santos City–Nakatakdang ipatawag ni City Councilor Jose Edmar Yumang, chairman sa komitiba sa peace and order ang atensyon sa kapulisan sa pag-panguna ni Police Col. Aden Lagradante karong semanaha gumikan sa sunod-sunod nga kaso sa patay sa dakbayan.
Sumala niya nga dili pa makonsiderang maka-alarma ang sunod-sunod nga patay apan makabalaka matud pa kini tungod halos matag semana adunay matalang kaso sa patay nga hinimuan sa riding in tandem.
Apan gibutyag niini nga tungod sa kulang nga ihap sa kapulisan ug kadaghan sa papulasyon sa Gensan, dili gyud kayang bantayan sa pulis rason nga gina-awhag niya ang publiko nga mutabang sa pagbantay sa siguridad.
Pagpaklaro ni Kag. Yumang nga dili niya mabasol ang publiko nga mawad-an ug kumpyansa sa kapulisan gumikan nag-una gyud nga mandato sa kapulisan mao ang pagpabilin sa kalinaw sa dakbayan.
Apan gibutyag ni Kag, Yumang nga nagpabilin gihapon nga luwas ang Gensan luyo pa man sa mga nagakahitabong krimen ug pabiling kontrolado sa otoridad ang sitwasyon.
Busa hagit niya sa kapulisan nga kung dili maundang ang patay, mapa-ubsan man lang gumikan kung itandi sa ubang krimen, nitaas gyud ang patay sa syudad. (LVR)
