Davao City – Gi-intensify sa City Health Office ang kampanya ug pagpabakuna kontra tipdas sa mga bata nga nagedad og unom ka bulan ngadto sa lima ka tuig.
Gibutyag ni CHO head Josephine Villafuerte nga importanteng ma-immunize ang mga bata aron dili kini daling mataptan sa sakit nga tipdas.
Sukad niadtong Nobyembre hangtod Enero 18 niabot sa 200 ka tao ang adunay sintomas sa tipdas dinhi syudad samtang upat ang kumpirmadong namatay ug duha pulos mga bata.
Ang Barangay 23-C ang adunay pinakataas nga kaso sa tipdas.
Nanawagan si Villafuerte sa mga ginikanan ang i-avail ang mga libreng bakuna sa ilang mga barangay health centers.
Matud sa opisyal adunay pipila ka mga kabataan ang wala na bakunahan tungod nibalibad ang ilang mga ginikanan.
Mokabat sa 16,000 ka mga bata na ang naturukan og kontra tipdas dinhi sa dakbayan sukad niadtong Nobyembre ngadto sa Disyembre.
RadyoMaN Aimee Guinita
