Dugangan pa sa kapulisan sa Valencia ang ilang kaikag sa pagserbisyo sa katawhan sa siyudad.
Kini ang gipamahayag ni Police Lt. Col. Cipriano Bazar Jr. ang bag-o nga gibutang nga OIC- Chief sa Valencia City Police Station.
Sa interview sa RMN Malaybalay ngadto kang Col. Bazar gibutyag niini nga sa iyang gihimo nga review, hapsay na ang duty scheme sa iyang gingsakpan.
Apan sigun niya nga ilang pahugtan pa ang mga gipahigayon nga checkpoint sa dakbayan ilabina nga sunod-sunod na ang nahitabong pagpanulis sa mao nga dapit.
Dungan niini nanawagan ang mao nga bag-ong hepe sa katawhan sa Valencia nga mutaho gilayon sa kapulisan kung adunay kasayuran mahitungod na sa mga nahitabong krimen sa mao nga dakbayan aron ilang mahatagan ug pagtagad.
Nasayran nga aduna na usab tulis nga gihimo sa riding in tandem suspect sa Valencia kagahapon diin usa ka jeepney driver ang gipusil sa mga tulisan og human natumba ang maong jeep gitulis na dayon ang mga sakay niini nga nahitabo sa Barangay Kahaponan.
Niadtong niaging adlaw 4 ka tulis usab ka kaso sa tulis ang nahitabo sa mao nga siyudad kung asa usa niini ang fish vendor diin gipusil patay sa mga tulisan sa Diversion road sa Poblacion nga ang tuyo unta mamalit og isda.
Alayon niini, gi-anunyiso ni City Administrator Atty. Genaro Cadigal Jr, sa mga taga-Valencianos nga ang LGU mohatag og cash reward sa makadakop sa mga tulisan.
Giaghat usab niya ang matag Barangay nga mahimong alerto.
