Naglab-ot na sa 707 ang kaso sang balatian nga dengue dire sa probinsya sang South Cotabato kag nagapabilin nga isa ang narekord nga patay nga halin sa Brgy. Kipalbig sa banwa sang Tampakan base sa datos sang Provincial Epidemiology Surveillance Unit halin Enero 1 tubtob Pebrero 23 subong nga tuig.
Ang nasambit nga kaso ang mataas sang 164.8% kumparar sang nagligad nga tuig sa kapareho nga period.
Yara naman sa edad nga lima ka bulan tubtob 84-anyos ang naigo sang nasambit nga balatian.
Nagapanguna sa gihapon sa may mataas nga kaso sang balatian nga dengue ang syudad sang Koronadal nga may 137, ginasundan sang banwa sang Tupi kag Polomolok nga may tig-99, Surallah-75, Tantangan-74, Banga-66, T`boli -55, Tampakan -30, Norala -29, Lake Sebu – 27, kag Sto. Niño -16.
Samtang narekord naman nga may-yara sang clustering sang kaso ang sa mga barangay sang Rizal Pob., Rizal Bo.3, Lamba, San Vicente & Liwanay sang banwa sang *Banga, Koronadal City* (Sto. Niño, Sta. Cruz, Zone II, Zone IV, GPS & Zone III), *Lake Sebu *(Luhib & Poblacion), Brgy. Poblacion sang *Norala, sa Polomolok* (Cannery Site, Magsaysay, Silway 8 & Poblacion), *Sto. Niño *; Brgy.Poblacion , *Surallah *(Dajay, Moloy, Lamian, Colongulo, Centrala & Libertad Pob.), T*ampakan* (Lambayong, Tablu, Liberty & Lampitak), *Tantangan* (Libas, San Felipe, New Iloilo, Poblacion, Dumadalig, Bukay Pait, Mangilala, Tinongcop),* T’boli* (Laconon, Edwards Pob. & Poblacion), *Tupi *(Kablon, Simbo, Polonuling, Cebuano, Palian, Acmonan, Bololmala, Poblacion & Crossing rubber).
May-angot sini, padayon ang pagpang-awhag sang pamunuan sang Provincial Health office sang South Cotabato ang tanan nga manglimpyo sa palibot agud nga malikawan ang nasambit nga balatian.
