Naglab-ot na sa 34 ang kumpirmado nga kaso sang coronavirus disease ukon COVID-19 sa Western Visayas suno sa Department of Health Region 6.
Ini matapos nadugangan naman sang apat ka pasyente nga nagpositibo sa COVID-19 nga ginalakipan sang 94 anyos nga lalaki gikan sa banwa sang Miag-ao, iloilo; isa ka 59-anyos nga lalaki gikan sa Distrito sang Mandurriao, siyudad sang Iloilo; isa ka 40-anyos nga lalaki gikan sa Kalibo, Aklan kag isa ka 25-anyos nga lalaki gikan sa Siyudad sang Roxas sa Capiz.
Bangud sini, naghiwat naman sang contact tracing ang doh sa nasambit nga pasyente.
Sa kabug-usan nga 34 ka kaso sang COVID sa rehiyon, may lima na nga napatay kag tatlo ang naka-recover.
Facebook Comments
