Padayon nga nagataas ang kaso sang dengue sa probinsya sang Iloilo.
Base sa pinakaulihi nga report sang Iloilo Provincial Health Office kahapon, hulyo 8, naglab-ot sa 769 ang mga pasyente nga naadmit sa mga District Hospitals bangud sa dengue.
Bangud sini, ginmandu ni Governor Arthur Defensor Jr. kay Provincial Administrator Atty. Suzette Mamon nga dapat maghatag gid sang repoort kada adlaw ang Hospital Management Office angut sa kaso sang Dengue kag siguruhon nga may imbenrtaryo man sang mga bulong sa mga District hospitals.
Kadungan sini, gintalana ni Governor Defensor ang pagpatigayon sang Blood lettuing activity sa mabot nga Hulyo 16 nga pasakupan sang mga empleyado sang Iloilo Provincial Government.
Ginganyat sang Gobernador ang mga Provincial employees kag ang iban nga sektor nga magdonar sang dugo bangud ginakulang na gid sang dugo ang Philippine red cross bangud sa dengue outbreak.
