Nagsaka na sa 1008 ang numero sang balatian nga dengue dire sa probinsya sang South Cotabato halin Enero tubtob Marso 16 subong nga tuig nga mataas sang 155.2% kumparar sang nagligad nga tuig sa kapareho nga period.
Samtang nadugangan naman ang patay sa nasambit nga balatian nga yara na sa apat sang nagpresentar si Dr. Rogelio Aturdido Jr. Provincial Health Officer sang South Cotabato sa ginpatigayon nga Provincial Disaster Risk Reduction and Management Council meeting sang biyernes nga adlaw.
Narekord naman ang nabawian sang kabuhi tungod sa balatian nga dengue sa Barangay Kipalbig sa banwa sang Tampakan, Brgy. Silway 8, Polomolok, Brgy. Lamba sa banwa sang Banga kag ang isa suno sa iya nga kaso ang ginaimbestigaran pa.
Nagapanguna naman sa may mataas nga kaso sang dengue ang syudad sang Koronadal nga may 214, Tupi – 134, Polomolok – 124, Surallah – 109, Banga -101, Tantangan -94, T`boli -82, Tampakan – 49, Lake Sebu kag Norala may tig- 37 ka kaso, kag Sto. Niño may 27.
May-angot sini, lakip sa tikang nila suno kay Dr. Aturdido ang pagpatigayon sang coordinative meetings for community mobilization, patigayon sang Dengue Vector Surveillance (DVS) sa mga barangay nga may clustering of cases, distribution of ITS and Olysetnet Curtain Roll, distribution of Larvicide (Sumilarv) , padayon nga Health Promotion/Education
Lakip man sa ginarekomendar sang iya pamunuan ang full implementaasyon sang Aksyon Barangay Kontra Dengue kag pagpatuman 4S kag 4 o’clock habit.
