Nagsaka sang 24 porsyento ang kaso sang dengue sa probinsya sang South Cotabato kumpara sa datos sang nagligad nga tuig, base sa datos sang Integrated Provincial Health Office halin Enero tubtob Hunyo 7, 2021 . Suno kay South Cotabato IPHO mosquito borne disease coordinator Jose Barroquillo naglab-ot sa 728 ang narekord nga kaso sang dengue sa probinsya halin Enero 1 tubtob Hunyo 7 kumparar sang nagligad nga tuig nga may 589 ka kaso sang dengue sa kapareho nga period. Pagpaklaro pa ni Barroquillo nga bisan nagsaka ang kaso sang dengue sa probinsya wala pa ini naglab-ot sa epidemic kag alert threshold basi sa surveillance report nga naghalin sa kabarangayan, munisipyo kag probinsya. Sa ulihi nga datos sang IPHO may- yara sang anum nga napatay bangud sa dengue nga halin sa Koronadal, Lake Sebu, Norala, Tampakan, Tantangan kag Tupi.
