Manubo sang 52% ukon yara lang sa dose ka kaso sang firecracker-related injuries ang narekord dire sa probinsya sang South Cotabato kumparar sang nagligad nga tuig base sa datos sang Provincial Epidemiology and Surveillance Unit (PESU) sang Integrated Provincial Health Office halin December 1, 2019 tubtob January 1 subong nga tuig.
Nagaedad naman sa apat tubtob 46-anyos ang mga nabiktima sang palupok kag kadam-an ang yara sa age group nga 0-10 years old nga may pito ukon (58.4%), 11-20 anyos may 1, 21-30 years old 3 ang nabiktima kag 41 tubtob 50 anyos may isa.
Sa dose ka mga nabiktima sang palupok ang halos mga lalaki naman kag 9 ukon 75% sang kaso ang actively involved ukon direkta nga nagpalupok.
Nagapanguna naman sa may mataas nga kaso sang firecracker-related injuries ang banwa sang Norala kag Surallah nga may tig-apat, Koronadal may duha, tig-isa naman ang banwa sang Banga kag T`boli.
Wala naman sang narekord nga kaso sang firecracker-related injuries ang mga banwa sang Lake Sebu, Polomolok, Sto. Nino, Tampakan, Tantangan kag Tupi.
Samtang ang klase sang palupok nga nakabiktima amo ang illegal firecracker nga 5 star nga tatlo ang biktima, pasirit -2, flying tiger duha, tig-isa naman ang plapla,multiple shots pyrotechnics, sadawo, watusi, kag improvised.
Nakaangkon naman sang blast/burn without amputation ang syam ka mga biktima ukon (75%) kag ang tatlo ukon (25%) ang nakaangkon sang eye injury nga lunsay naman ang mga ini outpatient.
Narekord ang una nga kaso sang firecracker related injury sa South Cotabato sang Disyembre 21 sang ngligad nga tuig.
Wala naman sang nareport nga kaso sang napatay tungod sa firecracker injury kag wala man sang nabiktima sang stray bullet sa South Cotabato.
Magapadayon naman ang monitoring kag reporting sang IPHO sa firecracker-related injuries sa South Cotabato sa Enero 5 subong nga tuig.
