Yara sa syam ang kaso sang firecracker-related injuries sa South Cotabato base sa consolidated report sang Enero 2 sang Provincial Epidemiology and Surveillance Unit.
Apang sa nasambit nga numero ang manubo sang 67% kumparar sang nagligad nga tuig sa kapareho nga period.
Yara naman sa 10 years old to 29 years old ang nangin biktima kag lunsay mga lalaki, nga walo ang direkta nga nagkapot sang firecracker/fireworks.
Anum naman ang nakaangkon sang paso kag 3 ang nakaangkon sang eye injury nga lunsay ang mga ini outpatient.
Samtang, ang klase naman sang palupok nga nakabiktima sa mga ini ang flying tiger -1, boga- 3, Pla-Pla-1, fountain-1, Kwitis-2 kag fireworks-1 ang nangin biktima.
Halin naman sa Koronadal City ang tatlo nga nabiktima, tig-duha sa Banga kag Norala, tig-isa naman sa Sto. Niño kag Surallah.
