Nagnubo sang 59 porsyento ang kaso sang firecracker-related injuries sa South Cotabato kumparar sang nagligad nga tuig sa kapareho nga period nga may 27 ka kaso. Ini matapos nga nakarekord lang sang 11 nga nabiktima base sa consolidated report sang Provincial Epidemiology and Surveillance Unit (PESU) halin Disyembre 13 tubtob Disyembre 6, 2021.
Sa nasambit nga numero tig-3 ang narekord sa Koronadal City kag Banga, tig duha naman ang kaso sang Norala kag Surallah kag isa naman sa banwa sang Sto. Niño.
Yara naman sa edad nga 5 –anyos tubtob 29 –anyos ang mga nabiktima nga 10 dire ang lalaki kag isa ang babaye.
Samtang 10 ukon 91% ang direkta nga nagkapot sang firecracker/fireworks.Nakaangkon naman sang paso ang 8 ukon 73% sang kaso kag 3 ang nakaangkon sang eye injury nga lunsay naman mga outpatient.
Anum ukon 55% ang nabiktima sang Illegal firecracker nga tatlo sa Boga, 1 sa Flying tiger, Pla-Pla- 1, Triangle – 1, samtang 5 naman ang nabiktima sang legal nga firecracker kapareho sang fountain, fireworks kag sparkler nga may tig-isa ang nabiktima kag duha naman sa kwitis.
Wala naman sang narekord nga napatay tungod sa firecracker injury kag biktima sang stray bullet sa South Cotabato.
