Kaso sang firecracker –related injuries sa South Cotabato sang selebrasyon sang paskwa kag bag-ong tuig, nagnubo base sa pinal nga datos sang IPHO.

Nagnubo sang 47 porsyento ang kaso sang firecracker-related injuries sa South Cotabato sang tuig 2018 kumparar sang tuig 2017 base sa pinal nga datos sang Provincial Epidemiology Surveillance Unit sang Provincial Health Office sang South Cotabato halin Disyembre 1 tubtob Enero 5 subong nga tuig.
Ini matapos suno kay Dr. Rogelio Aturdido Jr., Provincial Health Officer sang South Cotabato nga yara lang sa bienti syete ang nabiktima sang nagkalain-lain nga klase sang firecrackers sang selebrasyon sang paskwa kag bag-ong tuig.
Nagapabilin sa gihapon sa edad 4-anyos ang pinakabata nga biktima kag 45-anyos ang pinakatigulang , kag yara sa age group nga -0-10 years old ang madamo nga nabiktima nga naglab-ot sa 15 ukon yara sa 55.6 % sang kaso.Kadam-an naman sa mga biktima ang lalaki nga may 23 kag apat naman ang babaye.
Samtang 22 ukon 81% naman sa mga biktima ang direkta nga nagkapot sang palupok nga nagluntad ang insidente sa ila sini tagsa ka mga puluy-an.
May-angot sini, syam ukon 33.3% naman sa mga nakabiktima ang illegal nga klase sang palupok kapareho sang piccolo -1, triangle -3, plapla- 1, baby rocket -2 kag flying cracker -2.
Samtang, 13 naman sa mga nakabiktima ang legal nga klase sang firecrackers kapareho sang pasirit-6, Roman candle -1, Kwitis – 2, Luces -2, improvised can – 1, kag improvised cannon – 1.
Narekord naman ang isa ka kaso tungod sa pulbura kag isa ang nabiktima sang wala naidentify nga klase sang palupok.
Nakaangkon naman sang minor burn injury ang 22 ka mga biktima kag lima ang nakaangkon sang eye injury kag 96% naman sa mga ini ang outpatient.
Wala naman sang nareport nga nabawian sang kabuhi tungod sa firecracker injury subong man tetanus cases. kag wala man sang narekord nga nabiktima sang nagtalang nga bala sa probinsya.
Nagapanguna naman sa may mataas nga kaso sang firecracker –related injuries amo ang Koronadal City nga may 6, apang manubo ini sang 33% kumparar sang 2017 nga kaso, ginasundan sang Banga may 5, Norala-4, nga nagsaka ang ila kaso kumparar sa 1 sang 2017, Surallah – 3, Tampakan, Tantangan Tupi kag Sto. Niño may tig – 2 ka kaso kag Lake Sebu -1.
Ginkumpirmar man ni Dr. Aturdido nga wala naman sang narekord nga kaso sang firecracker-related injuries ang banwa sang Polomolok kag T`boli.
May-angot sini, mas maayo na lang gid nga istrikto nga ipatuman ang community fireworks display kaysa pahanugutan pa ang indibidwal nga maggamit sang palupok matapos nga naggwa sa ila datos nga may nabiktima sa gihapon sang legal nga klase sang firecrackers.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Kontra-Paputok-2018-Bulletin-Update-No.16-as-of-January-7-2019.docx