Mataas ang kaso sang balatian nga HIV/AIDS sa South Cotabato sang nagligad nga tuig kumparar sang tuig 2017 base sa ila datos, suno kay Dr. Rogelio Aturdido Jr., Provincial Health Officer.
May-angot sini, tungod sa hugot nga kampanya sang talatapan batok sa nasambit nga balatian madamo na ang nagapadulong sa HIV/AIDS Core Team Clinic.
Ginkumpirmar man ni Dr. Aturdido nga madamo naman sang mga eskwelahan ang nagarequest sa HACT clinic para sa free HIV testing sa mga estudyante tungod sa pag-aproba sang RA 11166 sa diin ang bag-o dire amo nga indi na kinahanglan sang parent consent sa mga kabataan edad 15 tubtob 18-anyos sa pagpaidalom sa HIV testing.
Ginpahayag man ni Dr. Aturdido nga posible i-recognize na worldwide ang HACT clinic sang South Cotabato tungod subong nga adlaw lantawon sang technical Officers sang World Health Organization ang nasambit nga pasilidad.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
