Nagsaka ang kaso sang insidente sang sunog dire sa probinsya bag-o pa man ang fire prevention month subong nga Marso, suno kay Provincial Fire Marshall Milo Manlabao sang Bureau of Fire South Cotabato.
Base sa ila datos sang bulan lang sang Pebrero subong nga tuig suno pa nakarekord na sila sang 20 ka insidente sang grassfire kag 15 naman ang nasunog nga residential nga mataas kumparar sang nagligad nga tuig sa kapareho nga panahon.
Kadam-an naman sa rason sang sunog sa residential ang tungod sa electrical connection.
May-angot sini, subong nga mainit nga panahon lauman nga magsaka ang insidente sang sunog kon magpabaya ang mga pumuluyo amo nga mas labi nila nga i-intensify ang kampanya batok sunog.
Samtang, bilang imbukada sang mga aktibidad sang fire prevention month subong nga Marso ginpatigayon ang 5 ka minutos nga simultaneous nga pagsirena sang tanan nga firefighting apparatus sang mga fire station kag pagpatigayon man sang mga ini sang unity walk upod ang mga stakeholders.
