Maltreatment kag unpaid salary ang kalabanan nga napalab-ot sa ila nga kaso sang mga OFW`s nga halin dire sa rehiyon dose subong nga tuig suno kay OIC OWWA 12 Regional Director Christine Sison.
Suno kay Sison nagakatabo ang nasambit nga problema sang mga OFW`s nga yara sa Middle East kapareho sang Kuwait kag Saudi Arabia sa diin ginaswelduhan matuod apang manubo sa nakasugtan kag ang pagtrato sa mga domestic workers ang slave amo nga mataas ang kaso sang maltreatment sa nasambit nga mga pungsod.
Samtang ginpasiguro ni Sison ang bulig sa mga OFW`s nga nakaeksperyensya sang pagmaltrato ilabi na kon luyag sang mga ini magpauli na.
Aminado man siya nga bisan nagakatabo ang nasambit nga problema madamo sa gihapon sang mga pinoy nga nagapasimpalad sa iban nga pungsod kag bag-o ang mga ini maghalin ginapaidalom man sa pre-employment orientation angot sa kultura sang pungsod nga kadtuan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
