Ginkatingala ni Police Regional Office 6 Regional Director Police Chief Supt. John Bolalacao ang napaslawan nga pag-file sang kaso batok sa pamilya Regalado sang Philipphine Drug Enforcement Agency 6 matapos nga natikma ang mga ini sang ginserbi ang search warrant sa ila poluy-an sa barangay Sambag, Jaro sang nagligad nga Disyembre 12.
Ginpahayag ni Bolalacao nga santu sa rason ni PDEA 6 Regional Director Emerson Margate, na- late sila sang lima ka minutos sa pag-file sang kaso batok sa mga Regalado bangud sang guba nga printer kag photocopy machine nga gingamit para sa pagpreparar sang mga dokumento.
Duda man ini sa pag-gwa sang mga Regalado bangud sa tuman ka nabaw nga rason.
Nahibaluan nga natigayun nga maaresto sang PDEA 6 ang bayaw ni the late Meriam Regalado Odicta nga si Nilda Regalado, bana nga si Arnulfo kag mga utod sini nga sanday Cyril kag Leo Regalado.
Nakuha sa mga arestado ang masobra sa tunga sa milyun nga balor sang illegal nga druga, drug paraphernalia, armas luthang, mga bala kag mga patalum.
