Mataas ang kaso sang pagbulagay sang mag-asawa sa South Cotabato tungod base sa nakaptan nga datos sang Provincial Population Office naglab-ot ini sa 6,007 kag posible mataas pa ini subong nga tuig kon matigayon nga mapasar ang divorce bill.
Suno kay Joan Palacio, Provincial Population Officer 2 mataas naman ang numero sang nagabulagay nga mag-asawa ang yara sa age group nga 40 tubtob 44 –anyos.
May-angot sini, mas daku suno pa ang epekto sang marriage separation sa mga kababainhan tungod sila ang magasalo sang responsibilidad partikular na ang pagsapupo sa mga kabataan sini.
Ginkumpirmar man ni Provincial Social Welfare and Development Officer Haidie Agustin nga kadam-an nga rason sang pagbulagay sang mag-asawa amo nga wala sang obra ang bana, palahubog, gapanakit ang bana, selos kag iban pa.
Samtang kon may-yara sang kaso sang pagbulagay suno kay Agustin ang ginapaidalom man ang mag-asawa sa counselling kag may pipila suno pa ang nagadesisyon nga indi na ipadayon ang pagbulagay tungod ang maapektuhan ang mga kabataan suno pa.
