Kaso sang TB sa South Cotabato problema sa gihapon.

Problema sa gihapon ang kaso sang tuberculosis ukon TB sa South Cotabato tungod sa pamatasan sang mga pasyenti, suno kay John Codilla, Infectious Disease Program Coordinator sang Provincial Health Office.
May-angot sini, suno kay Codilla nagadamo man ang drug resistance TB cases kag wala sa gihapon nagacomply sang treatment bisan nga may-yara sang bastante nga bulong.
Masami suno pa nga nagakatabo ang drug resistance kon indi makaya sang pasyenti ang ginahatag sa ila nga bulong rason nga mag-untat sang medikasyon.
Ginpahayag man ni Codilla nga yara lang sa anum ka bulan ang treatment, apang kon drug resistance na ang pasyenti ang yara sa 8 tubtob 24 ka bulan ang medikasyon.
Makalaton naman ang nasambit nga balatian paagi sa pag-ubo kag paghatsi sang pasyenti.