Naglab-ot na sa 2,480 ang kaso sang tipdas sa Western Visayas kon sa diin pito diri ang napatay.
Base ini sa pinakaulihi nga monitoring sang Department of Health region 6 sandig sa data humalin sang Enero 1 tubtub Hunyo 28, 2019.
Mas mataas ini sang masobra 1,000% ikumparar sang amo man nga period sang 2018 nga may yara lamang sang 220 ka mga kaso sang tipdas nga narecord sang DOH-6.
Angut sini, ginpahayag ni Dr. Mary Jane Juanico, Medical Officer 3 sang DOH-6 nga padayon ang ginahimo nga pagpaninguha sang ahensya agud matapna ang kaso sang tipdas sa rehiyon.
Isa sa mga tikang sang DOH amo ang pagpasangkad sang school based immunization program.
Facebook Comments
