Kontrolado na sa subong ang kaso sang balatian nga tipdas dire sa probinsya sang South Cotabato tungod naganubo na sa subong kag indi na madamo ang nagatuhaw nga panibag-o nga kaso, suno kay Dr. Rogelio Aturdido Jr., Provincial Health Officer sang South Cotabato.
Sa datos sang Provincial Epidemiology Surveillance Unit sang South Cotabato halin Enero tubtob Abril 1 subong nga tuig yara sa 140 ang kaso sang tipdas sa probinsya.
Ginkumpirmar man ni Dr. Aturdido nga mataas naman ang turn-out sang ginpatigayon nga catch-up immunization batok tipdas sa nagaedad sang anum tubtob 59 ka bulan sang Marso nga nagalab-ot sa 96 porsyento.
May-angot sini, nalab-ot sang probinsya sang South Cotabato ang national target nga 95 percent sang mabakunahan nga mga kabataan nga mangin protektado na ang komunidad batok sa nasambit nga balatian.
