Nakarekord na sang 193 ka kaso sang Typhoid fever ang Provincial Epidemiology Surveillance Unit sang Provincial Health Office sang South Cotabato halin Enero 1 tubtob Pebrero 9 subong nga tuig.
Ang nasambit suno pa nga kaso ang mataas sang *150.6% *kumparar sang nagligad nga tuig sa kapareho nga period.
Sa datos wala naman sang narekord nga patay kag yara sa edad nga 2 ka bulan tubtob 78 –anyos ang naigo sang nasambit nga balatian.
Samtang, nagapanguna naman sa may mataas nga kaso sang typhoid fever ang banwa sang Polomolok nga may 55 ka kaso, ginasundan sang T’boli may 53 , Surallah -28, Lake Sebu -18, Banga – 15, Koronadal City – 14, Tupi kag Norala may tig-3 ka kaso, Sto. Niño kag Tantangan may tig-2 ka kaso kag wala naman sang narekord nga kaso sang nasambit nga balatian sa Tampakan.
Ang mga barangay nga may clustering tungod sa nasambit nga balatian amo ang Brgy. Upper Maculan sang *Lake Sebu,* *Polomolok *(Sulit, Pagalungan, Glamang, Poblacion, Magsaysay, Koronadal Proper), *Surallah *(Libertad & Canahay) sa *T’boli *(Edwards, Sinolon, Laconon, Lamhako & Poblacion), sa *Tupi *(Simbo)
Lakip sa sintomas sang nasambit nga balatian ang wala sang gana nga magkaon, masakit ang tiyan, masakit ang ulo, mataas ang lagnat, diarrhea kag iban pa.
May-angot sini, suno kay Dr. Rogelio Aturdido Jr., Provincial Health Officer sang South Cotabato, gin-aksyunan na nila upod ang mga municipal health office ang nasambit nga pagtaas sang kaso sang typhoid fever.
