Kaso sang typhoid fever sa South Cotabato naglab-ot na sa 246.

Naglab-ot na sa 246 ang kaso sang Typhoid fever nga narekord dire sa probinsya sang South Cotabato base sa datos sang Provincial Epidemiology Surveillance Unit halin Enero tubtob Pebrero 23 subong nga tuig.
Ang nasambit nga kaso ang mataas sang 167.4% kumparar sang nagligad nga tuig sa kapareho nga period.
Yara naman sa edad nga duha ka bulan tubtob 78 –anyos ang naigo sang nasambit nga balatian kag isa ang narekord nga patay nga halin naman sa Brgy. Cacub sang Koronadal City.
Samtang, ang may mataas nga kaso sang nasambit nga balatian amo naman ang banwa sang Polomolok nga may 72 kag T`boli nga may 56, Surallah -38, Lake Sebu -25, Banga -21, Koronadal City – 20, Tantangan kag Tupi may tig-apat ka kaso, Norala kag Sto. Niño may tig-tatlo ka kaso.
Samtang ang mga barangay naman nga may clustering sang kaso amo ang Barangay Liwanay sang Banga, Sto. Niño sang Koronadal City, Brgy. Rubber, Sulit, Magsaysay, Pagalungan, Koronadal Proper kag Silway 8 sang banwa sang Polomolok, Surallah Brgy. Centrala, Libertad kag Canahay kag sa T’boli; Brgy. Sinolon, Laconon kag Afus sa Tupi, Brgy. Simbo.