Davao City – Wala na gipadayon sa ginikanan sa dos anyos nga batang lalaki kinsa naligsan-patay ang kaso batok sa drayber sa armored car kagahapon sa City Prosecutor’s Office.
Sa eksklusibong interbyu sa DXDC 621 RMN Davao sa magtiayon nga dili na lamang sila magpasang-at og kaso batok sa suspek ug buot nilang abagahon sa Davao Security and Investigation Agency Inc. (DASIA) ang galastuon sa ilang anak.
“Tabangan mi nila sa pagpalubong, dili nalang mi magpasaka og kaso,” mubo nga tubag ni Angeli Tirol Pelaez.
Samtang, gipasalig ni Desiderio Belarma ang Admin Manager sa DASIA Armored Car Services Center nga tabangan nila ang pamilya sa biktima.
“We extended financial assistance to the family of the victim and this is coming from the general manager at sa nakakataas,” sumala ni Belarma.
Matud ni Belarma nga mu-assister sila sa paghatod sa batang biktima gikan sa Davao ngadto sa Kapalong, Davao del Norte.
Gikanayon ni DASIA Legal Counsel Atty. Nathalie Quiñones muabaga ang kumpanya sa haya, pagpalubong ug mutunol sila og pinansyal nga tabang aron sa pagpahiluna sa bata.
Gikatakdang magkita pa ug balik karong adlawa sa korte ang duha ka kampo aron tapuson ang kulang pa nga mga dokumentos.
Sa pikas bahin gibutyag ni San Pedro Pnp Station Commander PCI Ramil Macarampat paabuton lamang nila ang mamahimong desisyon sa korte kalabot sa insidente.
“Basta may order po na-dismissed ang kaso then may kasama iyan na order to release the suspect. We will wait kung magbago talaga iyong isip ng complainant. We will just follow all the orders of the court ganoon iyong magiging sistema,” sumala ni Macarampat.
RadyoMaN Aimee Guinita
