Gibasura sa Sandiganbayan First Division ang kasong Graft and Corruption nga gipasaka sa Office of the Ombudsman batok ni Mayor Oscar Moreno, City Engineer Rolando Pacuribot, Patrick Gabutina, Elmer Wabe ug Divina Bade.
Kini basi sa resolution nga gi-promulgate sa Anti Graft Court niadtong Setyembre 25, 2018.
Si Associate Justice Geraldine Faith Acong, Efren dela Cruz ug Edgardo Caldona maoy nagpirma sa maong resolusyon ug nag-desisyon nga i-dismiss ang kasong Graft and Corruption batok ni Moreno, Pacuribot, Gabutina, Wabe ug Babe.
Sa 14 ka pahina nga resolusyon nga gipakanaog sa first division sa Sandiganbayan, gimando ni Associate Justice Econg, dela Cruz ug Caldona nga i-release ang bail bond ni Moreno ug mga kauban.
Gimando usab sa Anti Graft Court nga ibaliwala na ang hold departure order batok ni Moreno ug mga kauban nga gi-isyu niadtong July 24, 2018.
“Inordinate delay” ang rason sa Anti Graft court sa ilang pag-dismiss sa kaso ni Moreno ug mga kauban.
Matud sa Sandiganbayan nga ang Ombudsman, nakayatak sa katungod nila Moreno ug mga kauban kay gilangan-langan sa Anti Graft Investigator ang pag-imbistigar sa ilang akusayon batok ni Moreno ug pagpasaka sa maong kaso sa Anti Graft court.
Kini nga kaso may kalabutan sa issue sa Rental sa mga heavy equipment sa kapitolyo, niadtong panahon nga gobernador pa si Moreno sa Misamis Oriental.
Mahinondoman nga gi-akosahan sa Ombudsman si Moreno ug mga kauban, nga nag-rental sa mga heavy equipment sa kapitolyo, nga walay public bidding.
Sa iyang kabahin.
Gipahayag ni Atty. Dale Bryan Mordeno nga legal Counsel ni Mayor Moreno nga mao na kini ang ikatulo sa 24 ka kasong Graft batok sa Mayor ug mga kauban nga gi-dismiss sa Sandiganbayan tungod sa isyu sa Inordinate delay.
Matud ni Mordeno nga iya usab nga gipangayo sa Anti Graft Court nga ibasura gihapon ang nabilin nga 21 ka kasong Graft batok sa Mayor tungod kay ang Ombudsman nakayatak sa katungod ni Moreno sa gitawag nga Speedy Investigation nga gimando sa konstitusyon.
