LIBACAO, Aklan – Nagasamo ang kakulba kag kahadlok sang pamilya Sonio sa nabukid nga bahin sang Brgy Pampango, Libacao Aklan matapos gina-alegar gin-atake sang zombie ang ila 17 anyos nga anak nga lalaki.
Suno kay Henry Sonio, amay sang 17 anyos nga lalaki, nakibot na lamang sila sang nag-abot ang ila bata nga nagapalanglapsi kag nagapangayo sang bulig.
Nahibaluan nga halin sa patyo ang binatilyo bangod nagkay-o sang lulubngan sang iya lola, manugpauli na kuntani ini sa diin hana na kuntani nga magsakay sa iya motor sang may nagtuyo nga magdumog sa iya nga ginpatihan nila nga zombie.
Nagpangayo ini sang bulig sa iya pamilya kag sang ila ginbalikan ang lugar, nakatumba na ang iya motor, wala na ang gina-alegar zombie apang may mga patimaan kag agi sa lugar sa diin nagahapay ang mga mataas nga hilamon.
Ang nasambit nga barangay, isa sa mga pinakamalayo nga barangay sa Libacao Aklan sa diin sadto ang ila mga minatay wala na gina-embalsamar kag didto na lang ginalubong sa ila barangay kag wala na ginadala sa banwa.
Mabaskog ang pagpati sang mga pumuluyo nga may zombie sa lugar ukon amaranhig bangod base sa ila pahayag, pirme ini nga nagapakita kag nagapabatyag sa ila.
(Report from RMN DYKR Kalibo) Photo from web/Not the actual Photo #TatakRMN
