Sa interview sa RMN Malaybalay ngadto kang PMaj. Jose Regner Sevilleno, Hepe sa kapulisan sa San Fernando, gibutyag niya nga posibleng mag-atubang og kasong Homicide ang pulis nga gikatahong suspek sa aksidente pagkapusil sa usa ka estudyante sa maong lungsod.
Dugang pa niya nga accidental firing ang nahitabo tungod kay ga-unload sumala pa sa mga witness ang maong pulis sa armas niini sa dihang mibuto ug miigo sa dughan sa maong estudyante resulta sa pagkamatay.
Giila ang suspek nga si PMSg Faith Lauron Panduma nga nakadestino sa San Fernando Municipal Police Station samtang ang biktima si Zyro Zandro Linaza y Ambong, male, 18 years old, single, student, and a resident of Purok-4, Brgy Palacpacan, San Fernando, Bukidnon.
Nahitabo ang insidente adtong Biyernes pasado alas sa 12:05 sa kadlawon sa Pedringuez Residence, Purok-6, Halapitan, San Fernando, Bukidnon diin nagkatapok sumala pa ang mga informer sa kapulisan kabahin sa unta ipahigayong police operation apan sa wa damha nahitabo ang usa ka accidental firing gamit ang usa ka 9mm pistol nga miigo sa dughan sa biktima hinungdan sa kamatayon.
Padayon pa karon nga ginaimbestigahan sa kapulisan ang maong insidente apan gikatakdang pasakaan og kasong homicide ang pulis nga suspek.
