Kasong murder ang atubangon sa usa ka lalaking suspek sa pagpanigbas patay sa Gingoog City, Misamis Oriental.
Matud ni Police Supt. Ariel Philip Pontillas, Acting Chief of Police sa Gingoog City Police Station nga ang nadakpang suspek mao si Gerry Lanticsi Temblor, hingkod ang edad, ulitawo ug taga Purok 3, Barangay Maribucao sa maong syudad.
Gibutyag ni Police Supt. Pontillas nga nahitabo ang pagpanibas niadtong gabie sa Nobyembre 15 ning tuiga sa nasangpit nga dapit.
Sa maong hitabo, patay ang biktimang si Ereneo Alvarez, hingkod ang edad, taga Topside, Barangay Talon, Gingoog City.
Sa pakisusi sa kapulisan, nigawas nga personal nga kasuko ang motibo sa pagtigbas patay sa biktima.
Facebook Comments
