Miuna ang sa kinatas-ang ihap nga mga kaso sa kriminalidad sa dakbayan sa Malaybalay ang Murder ug Physical Injuries.
Kini ang gibutyag ni Police Executive Master Sergeant Alexander Calma atol sa interview sa RMN.
Sumala niya nga bisan paman nga hapsay ug malinawon ang dakbayan anaa gihapoy mga natalang kaso sa Pagpatay ug mga Physical Injuries kon pagpangulata.
Dugang ni Calma nga samot nilang gipahugtan ilang mga checkpoints karon sa dakbayan aron nga mabantayan ang mga lihuk sa katawhan dili lang sa pagbantay sa mga posibleng krimen apan lakip napud sa pagmonitor sa katawhan aron nga malikayan ang pagsaka sa mga kaso sa Covid-19.
Gidugang niya nga padayon ilang pagpahigayon og mga One-Time-Big Time Checkpoints lakip napud ang Simultaneous Anti-Criminality Law Enforcement Operation (SACLEO) matag semana.
Mapasalamaton usab si Calma sa katawhan sa suporta nga gipadangat ngadto sa kapulisan ug mapasaligon nga kanunay nilang pagabuhaton ang ilang trabaho alang sa pagpabilin sa kahusay ug kalinaw sa dakbayan sa Malaybalay.
