Gipaklaro ni Police Major Marvin Hugos, Hepe sa San Pedro Police Station nga karong adlawa pa mapasaka ang kasong Parricide sa City Prosecution Office batok sa anak nga naka dunggab patay sa iyang inahan.
Sumala ni Police Major Hugos nga wala mapasaka ang kaso kagahapon gumikan kay nalangan ang kapulisan sa pagsecure sa Death Certificate sa biktima nga maoy usa sa mga ebidensya sa pagpasaka ug kaso batok sa suspek ngadto sa piskaliya.
Matud sa opisyal nga nagpabiling motibo sa krimen ang daang dumot sa inahan ug anak ug nahalingan sa dihang naningil ang biktima sa bayrunon sa tubig sa pinuy-anan sa suspek sa Purok 7-A, Sto Rosario Chapel, Nograles Gym, Barangay 76-A, Davao City pasado alas singko sa hapon niadtong Agosto 6, 2023.
Nagtingkagol na sa selda sa presento Dos ang suspek nga si Devine Lim, 38 anyos human mapatay ang iyang inahan nga si Dolores Celocia nga naka-angkon ug daghang samad dinunggaban.
RadyoMaN Erin Lumosbog
Facebook Comments
