General Santos City–Posibleng mag-atubang ug kasong Reckless Imprudence Resulting To Homicide and damage to property ang driver sa van nga si George Aguilar human nga nalambigit sa disgrasya sa kadalanan batok sa usa Motorsiklong gimanihuan sa biktimang si Ryan Braquel, 21, nga nanimuyo sa barangay Tambler nga gikamatay sa nasampit nga biktima.
Matud ni Patrolman Demetrio Libusada Jr. ang imbistigador sa maong kaso nga kung dili mag-areglo ang duha ka mga kampo mapugos sila nga pasakaan ug kaso ang suspetsado.
Kung kahinumduman nga nahitabo ang maong disgrasya alas 7:20 ang takna sa gabie sa barangay Tambler ning syudad human nga nabangga nag motor sa biktima sa Van nga paliko unta sa gasolinahan.
Tungod sa kusog nga impact, nakaangkon ug grabeng samad ang biktimang si Braquil nga hinungdan sa iyang kamatayon.(Dave Silagan)
