*General Santos City—Maka-alarma na ang kaso sa patay sa dakbayan sa Gensan. Kini ang gibutyag ni Gensan City Councilor Jose Edmar Yumang, chairman sa komitiba sa Peace And Order sa konseho.*
*Sumala niya nga takda siyang magpatawag ug meeting uban ang tanang Chief Of Police sa Gensan ingon man si Pol. Col. Aden Lagradante, ang City Director sa Gensan City Police Office.*
*Sa karon matud pa dili pa niya mabutyag nga kinahanglang mag-reshuffling na sa mga hepe sa kapulisan apan kinahanglan matud pa nga magsubmitar ug report ang mga opisyal sa kapulisan sa mga lakang nga ilahang ginahimo ayha pa man ang mga nahitabong krimen.*
*Higayon matud pa nga masayran nga walay ginahimong aksyon ang mga Chief Of Police sa ilahang area of responsibility, iyahang i-rekomenda ang re-shuffling.*
*Pag-angkon niya nga gawas sa droga, lakip sa mga motibo sa mga pagpatay sa Gensan mao ang kalambigitan sa mga investment scam, apan padayon ang iyahang panawagan nga dil iibutang sa kamot ang balaud ug itugyan kini ngadto sa otoridad.*
