General Santos City– Kasuko kini karon ang gitudlong ugat hinungdan nganong gipatay sa suspek nga si Mohaimen Jasmin, 28 anyos nga taga Bajao Vill., Barangay Bawing Gensan ang iyang ugangan nga si Endang Labha, 36, residenti sa samang lugar.
Sumala ni Police Sr. Inspector Davis Vencent Dulawan, Hepe sa Police Station 5 nga basi sa ilang pakighinabi sa mga kabanay sa biktima ilang gibutyag nga nasuko matud pa ang suspek human nga gikuha sa biktima ang iyang anak.
Una na matud pang nagpalaban ang asawa sa suspek ngadto sa iyang inahan human sya gikulata sa iyang bana mao nga gikuha nalang kini sa biktima.
Nasayran nga niadtong nakalabayng gabie gisulod sa suspek ang panimalay sa biktima dayon gidunggab samtang natulog nga hinungdan sa iyang kamatayon.
